Member-only story
【歷史】英女王為何臨終前北上蘇格蘭？｜英蘇如何由世仇合併成單一王室？｜蘇格蘭的分離主義
Sep 19, 2022
- 本身，英格蘭同蘇格蘭係兩個獨立王國，中世紀個陣係勢不兩立。簡單咁講，英格蘭國力較強，經常想食埋隔籬嘅蘇格蘭；蘇格蘭就有濃厚民族意識，奮戰到底守住獨立，亦好多時同法國結盟，令英國面臨南北夾擊威脅唔敢輕舉妄動，所以英蘇兩國打過好多場仗，但始終雙雄屹立（註：情況就有啲似同期西班牙同葡萄牙，或現時俄烏、中台）。
- 蘇格蘭民族英雄最出名一定係William Wallace，13世紀打過蘇格蘭獨立戰爭，佢嘅英雄事跡亦改編成荷里活電影Braveheart。雖然，電影無講嘅係，戰爭過後佢落入英軍之手慘受酷刑而死。
- 蘇格蘭不論宗教、貨幣、國會都同英格蘭唔同。當年去蘇格蘭旅行，就完全感受到蘇格蘭人對英格蘭嘅反感。佢地好強調自己同英格蘭好唔同，情況類似加泰隆尼亞人同香港人。世界盃英格蘭對阿根廷，佢地一定支持阿根廷
- 中世紀歐洲王室係會通婚，類似中國春秋戰國時代咁。封建制度係咁玩，盟友可以加強血脈關係，敵國亦可以玩人質外交。去到17世紀初，英格蘭女王Queen Elizabeth I (QE I)過身，但膝下無子女，英格蘭王位由最近親屬蘇格蘭Queen Mary (QM I)個仔占士繼承，即係King James VI & I。（註：QM同QE嘅關係，可以睇Netflix電影Mary, Queen of Scots）。就係咁，蘇格蘭不廢一兵一卒，就食埋英格蘭，直接merger合併成為Great Britain。
- 不過，M&A嘅嘢，合併完係點，始終要睇合併前邊個個mass大啲，即係好似中國孔子話「夷狄進於中國，則中國之」，就係中國個mass夠大，俾人食咗都只會同化對方（的確，日後嘅元、清入關後都localise咗）。
- 呢單蛇吞象M&A，好明顯就英格蘭國力同軟實力都較大。所以，蘇格蘭人King James亦轉移陣地去倫敦，政府同議會亦設於Westminster。當然，英格蘭無端端奉送俾蘇格蘭王繼承，亦令好多英格蘭人唔服。King James亦試過俾人試圖用炸彈刺殺，即係Gunpowder Plot，但最後冇事。
- 不久之後，工業革命、殖民大時代，英國成為日不落帝國，國力世界第一，聯合王國入面一切根本性的分歧，自然被一片光輝蓋過。
- 但，隨住WW I、WW II、decolonisation，英國雖然算係戰勝國，但國力已經變成「日落國」，聯合王國自古以來嘅分歧只有愈來愈明顯。蘇格蘭獨立呼聲近年愈來愈高，2014年首次舉行獨立公投，現在亦醞釀2023年舉行第二次獨立公投。德高望重有凝聚力嘅figure head英女王QE II過身，亦可能令聯合王國的成員離心更重。
“My whole life — whether it be long or short — shall be devoted to your service.”
- 英女王畢生鞠躬盡瘁，為她的使命盡責到最後一秒。臨終前，選擇到蘇格蘭休養，接見新首相，在蘇格蘭畫上句號，或許也是她為了凝聚大英帝國下的最後一步。
