Member-only story
【港股】每逢恒生指數P/E跌穿10，就係時候掃入盈富基金？
May 22, 2020
- 最近，有朋友話：「每次恒指市盈率跌到10x左右，都係買入盈富基金(02800)時機，所以依加(2020年4月)係時候掃貨」。OK，咁迅狐就用數據驗證下，做好簡單嘅backtesting。唔想睇咁長，可以直接跳去(6)。
2. 原來，由1998年至今，總共只有27個月份恒指市盈率跌穿10。依27個月可以分為5段低谷期，歷時介乎2至7個月，平均每段5個幾月（唔計2020年3月今次，因為未完）。紫色係恒指市盈率跌穿10第一個月，綠色係升穿10第一個月。
3. 依5段時期，都係大家熟悉嘅大跌市：1998年亞洲金融風暴後期，2008–09年金融海嘯，2012年歐債危機，2015年中國股災。別人恐懼你貪婪，如果依5段時期買入，今日睇返的確都係賺唔少。
4. 不過，再微觀D咁睇，恒指市盈率一跌穿10（第2張圖紫色線），未必一定係買入盈富基金嘅最好時機。2011年和2012年在紫色線買入盈富基金，都是唔錯嘅買入點。但係，1998、2009同2015年，如果P/E一跌穿10時即刻買入，都要先承受一段跌幅。
5. 相反，如果等到綠色線（恒指市盈率回升穿10）先買入盈富基金的話，嬴面就好大。
6. 結論係，俾D耐性，係恒指市盈率跌穿10之後的2至7個月內，密切留意著幾時升返穿10，一升穿就真係掃盈富基金嘅最佳時機啦。
＊Backtesting結果不保證將來表現。HSI P/E的數據可以在恒生指數有限公司官方網站下載。
